Алишер Усмоновни коррупцияга йўл қўйиб берганликда айблашди. Бунга жавоб қандай бўлди?

Усмонов Кёльн (Германия) прокуратурасига журналист Зеппелтни жиноий жавобгарликка тортиш талаби билан мурожаат қилди.

Август ойида Sportshau нашри германиялик собиқ рефери Маркус Шульц Халқаро қиличбозлик федерациясини коррупцияда айблагани ҳақида мақола чоп этди.

У хусусан, кўрсатилган спортчи фойдасига ҳакамлик қилиши учун 5 минг евро ҳамда Олимпия ўйинларида ҳакамлар жамоасига қўшилишини ваъда қилишганини таъкидлади.

ARD телеканали ҳам FIE'да Усмонов даврида мавжуд бўлган ҳакамларнинг порахўрлик тизими ҳақидаги даъволарни тарқатди.

Алишер Усмоновнинг адвокати Йоахим Штайнхофель эса бу айбловларга қуйидагича муносабат билдирди:

"Жаноб Зеппельт ва ARD‑Sportshau журналистика стандартлари ва матбуот кодексини бузган. Қонунда бундай қабиҳ, ғаразли гаплар учун жавобгарлик белгиланган. Зеппельт жаноб Усмоновнинг обрўсига путур етказмоқчи эди. Аммо унинг ҳеч қандай фактлари йўқ. Бу журналистика эмас, бу шармандалик".