Андрей Рублёв Баня-Лукада бош соврин учун кортга чиқади

Дунёнинг олтинчи ракеткаси, россиялик Андрей Рублёв 90 дақиқа давом этган 1/2 финалда ATP рейтингида 73-поғонадан жой олган словакиялик Алекс Молчанни ортиқча қийинчиликсиз мағлубиятга учратди - 6/2, 6/4. 

Бу теннисчиларнинг ўзаро ўтказган илк расмий учрашуви эди. Рублёв баҳс давомида 5, Молчан эса 3 та эйс зарбасини ижро этган. Энди Андрей бош соврин учун сербиялик Душан Лайовичга қарши кортга чиқади. Душан иккинчи ярим финал баҳсида ҳамюрти Миомир Кечмановичдан устун келган.