05 май 10:35
Янгиликлар

Теннис

Арина Соболенко Мадрид WTA 1000 финалида!

Испаниянинг Мадрид шаҳрида ўтказилаётган теннис бўйича нуфузли WTA 1000 тоифасига кирувчи турнир якуний паллага кирди.

Сайёрамизнинг иккинчи ракеткаси Арина Соболенко илк финалчига айланди. Беларуслик теннис маликаси 86 дақиқа давом этган 1/2 финалда рейтингнинг 9-поғонасида бораётган грециялик Мария Саккарини 6:4, 6:1 ҳисобларида мағлубиятга учратди.

Соболенко 4 та эйс, 3 та қўшхато ва 10 тадан 4 та брейк-пойнтни амалга оширди. Саккари эса 2 та эйс, 6 та қўшхато ва 1 та брейк-пойнт қайд этди.