"Астана Гран-приси". Улжон Амриева ҳисобида олтин! Терма жамоамиз мусобақани бешта медаль билан якунлади

Турнирда дунёнинг 24 та мамлакатидан келган 140 нафар атлетлар ўзаро баҳс олиб боришди.

Гран-прининг иккинчи кунги беллашувларида вакилларимиз 1 та олтин ва 2 та бронза медалларига эга чиқди. Улжон Амриева ўз вазн тоифасидаги барча рақибларидан устун келган бўлса, Феруза Эргашева ҳамда Моҳинур Пармонова ҳисобимизга бронза медалларини тақдим этди.

Аёллар (J1 класси, 60 кг):

1. Улжон Амриева (Ўзбекистон)

2. Каролин Дуарте (Бразилия)

3. Ларисса Силва (Бразилия)

3. Mерве Услу Хежебипур (Туркия).

Аёллар (J1 класси, +70 кг):

1. Эрика Зоага (Бразилия)

2. Милена де Фрейтас (Бразилия)

3. Феруза Эргашева (Ўзбекистон)

3. Актолкин Сеилбекова (Қозоғистон).

Аёллар (J2 класси, +70 кг):

1. Ребека Силва (Бразилия)

2. Зарина Раифова (Қозоғистон)

3. Моҳинур Пармонова (Ўзбекистон)

3. Мег Эммерич (Бразилия).

Шу тариқа, вакилларимиз "Астана Гран-приси"ни 2 та олтин, 1 та кумуш ва 2 та бронза, жами 5 та медаль билан умумжамоа ҳисобида тўртинчи ўринда якунлашди.