16 ноя 13:48
Янгиликлар

Теннис

ATP Finals. Янник Синнер финалда!

Дунёнинг иккинчи ракеткаси Янник Синнер ватани Италиянинг Турин шаҳрида ўтказилаётган йилнинг Якуний ATP турнири финалига йўл олди.

Италиялик иқтидор эгаси 1/2 финалда ATP рейтингида еттинчи ўринни эгаллаб турган австралиялик Алекс де Минаурни 7/5, 6/2 ҳисобида мағлубиятга учратди. Теннисчиларнинг ўзаро учрашувларидаги ҳисоб космик ҳолатга келди - 13:0!

Бир соату 53 дақиқа давом этган баҳсда Синнер 14, Де Минаур 1 тагина эйс зарбасини амалга оширди. Қўшхатолар Минаурда 3 га 0, брейклар эса Янникда кўпроқ бўлди - 6 га 1. Синнер фаолиятида қаторасига учинчи бор ATP Якуний турнири финалига чиқди. 2023 йилда у Новак Жоковичга ютқазган бўлса, ўтган йили Тэйлор Фрицни мағлубиятга учратган эди.