ATP рейтинги. Чемпион Фомин яхшигина юқорилади, Султонов ўз ўрнида, Топ-10`да битта ўзгариш

Мамлакатимизнинг биринчи ракеткаси Ҳумоюн Султонов ўтган ҳафтадаги ўрни (229)ни сақлаб қолди. У ўз ҳисобига 3 очко қўшиб қўйди. Бир ҳафта аввал Анталия турнирида чемпион бўлган иккинчи ракеткамиз Сергей Фомин 14 очко жамғарди ва бунинг натижасида 56 поғонага кўтарилиб олди. Икки кун олдин Анталия турнирида вице-чемпион бўлган Фоминнинг навбатдаги очколари келаси ҳафта рейтинги учун ҳисобланади ва табиийки, у рейтингда яна юқорилайди. Максим Шин 4 поғонага пастлаган бўлса, Амирбек Милушев ва Раҳимбек Иброҳимов аксинча 4 ўринга кўтарилишди. 

Дунё теннисчиларининг Топ-10`талигида битта ўзгариш кузатилди. Британиялик Жек Дрэйпер бир поғонага юқорилаб, норвегиялик Каспер Рууд билан ўрин алмашиб олди. Қолганлар ўтган ҳафтадаги мавқейларини сақлаб қолишди. Италиялик Янник Синнер уч ойга катта теннисдан четлатилганига қарамай, ҳамон катта фарқ билан рейтингдаги пешқадамлигини давом эттирмоқда. Кучли учликдан германиялик Александр Зверев ва испаниялик Карлос Алькараз жой олган. 

ATP рейтинги. 7 апрель ҳолатига кўра Топ-10:

1. (1) Янник Синнер (Италия) - 10330 очко

2. (2) Александр Зверев (Германия) - 7645

3. (3) Карлос Алькараз (Испания) - 6720

4. (4) Тэйлор Фритц (АҚШ) - 5290

5. (5) Новак Жокович (Сербия) - 4510

6. (7) Жек Дрэйпер (Буюк Британия) - 3780

7. (6) Каспер Рууд (Норвегия) - 3765

8. (8) Стефанос Циципас (Греция) - 3445

9. (9) Андрей Рублёв (Россия) - 3440

10. (10) Алекс Де Минаур (Австралия) - 3335

Ўзбекистонлик теннисчиларнинг АТР рейтингидаги ўрни:

229 (229). Ҳумоюн Султонов - 247 (+3) 

499. (555). Сергей Фомин - 80 (+14) 

1260. (1156). Максим Шин - 6 

1716Т (1720T). Амир Милушев - 2 

1957Т (1961T). Раҳимбек Иброҳимов - 1