18 янв 10:34
Янгиликлар

Теннис

Australian Open. Амалдаги чемпион 4-босқичда, Циципас ва Бердих ҳам!

Теннис бўйича “Катта Дубулға” туркумига кирувчи Австралия Очиқ чемпионати секин-аста ўзининг қизғин палласига кириб боряпти.

Мусобақанинг амалдаги ғолиби швейцариялик Рожер Федерер учинчи босқичда ғалабага эришди. У америкалик Тейлор Фрицни 6:2, 7:5, 6:2 ҳисобида доғда қолдирди ва тўртинчи даврага йўл олди.

Шунингдек, грециялик Стефанос Циципас ҳам ғалабага эришди. Бу ёш теннисчи грузиялик Николоз Басилашвилидан 6:3, 3:6, 7:6(7), 6:4 ҳисобида устун келди. Чехиялик Томаш Бердих аргентиналик Диего Шварцманни 5:7, 6:3, 7:5, 6:4 ҳисобида енгди.