25 янв 10:05
Янгиликлар
Теннис
Australian Open. Аёллар ўртасидаги жуфтлик баҳсларида финалчилар маълум
Австралиянинг Мельбурн шаҳрида ўтказилаётган теннис бўйича йилнинг илк "Катта Дубулға" туркумига кирувчи турнири ўз якуни сари яқинлашмоқда.
Мусобақанинг аёллар ўртасидаги жуфтлик баҳсларида финал иштирокчилари маълум бўлди. Хитой Тайпейи вакиласи Се Су-Вей латвиялик Елена Остапенко билан жуфтликда канадалик Габриэла Дабровски ҳамда Янги Зеландия вакиласи Эрин Рутлиф ҳамкорлигини уч сет натижасига кўра мағлубиятга учратди - 7/6(3), 3/6, 6/3.
Икки соату 25 дақиқа давом этган баҳсда Се/Остапенко 6, Дабровски/Рутлиф жуфтлиги 4 та эйс зарбасини амалга оширган. Қўшхатолар ҳам худди шу кўринишда бўлди. Иккала жуфтлик ҳам 3 тадан брейк-пойнтдан фойдаланган. Энди улар бош соврин учун чехиялик Катержина Синякова ва америкалик Тэйлор Таунсенд жуфтлигига қарши кортга чиқишади.
Ҳавола :
Манба : wta
Фикрлар