15 янв 11:12
Янгиликлар

Теннис

Australian Open. Бушар ғалаба билан бошлади, эндиги рақиб Серена Уильямс!

Мельбурн шаҳрида теннис бўйича “Катта Дубулға” туркумига кирувчи Австралия Очиқ чемпионати давом этмоқда.

Хотин-қиз теннисчилар ўртасидаги мусобақанинг биринчи даврасида дунёнинг 79-ракеткаси Эжени Бушар осон ғалабага эришди. Канадалик теннис маликаси WTA рейтингида 128-ўринни эгаллаб турган хитойлик Шуай Пэнга қарши кортга чиқди.

Бир дақиқаси кам бир соат давом этган баҳсда Бушар рақибасини 6/1, 6/2 ҳисобида мағлубиятга учратди. 24 ёшли Бушар ҳам, 33 ёшли Шуай ҳам иккитадан эйс зарбасини амалга оширишди. Энди Эжени иккинчи давра учрашувида америкалик Серена Уильямс билан тўқнаш келади.