22 янв 10:11
Янгиликлар

Теннис

Australian Open. Циципас - илк ярим финалчи!

Мельбурн шаҳри кортларида ўтказилаётган теннис бўйича “Катта Дубулға” туркумига кирувчи Австралия Очиқ чемпионати ўзининг ҳал қилувчи палласига кирди.

Ҳозиргина эркаклар ўртасидаги мусобақанинг яккалик баҳсларида илк финалчининг номи маълум бўлди. Грециялик Стефанос Циципас чорак финал учрашувида испаниялик Роберто Баутиста Агутдан устун келди.

Уч соату 19 дақиқа давом этган баҳсда дунёнинг 14-ракеткаси бўлиб турган грециялик теннисчи 7/5, 4/6, 6/4, 7/6(2) ҳисобида ғалаба қозонди. Стефанос бундан аввалги даврада турнирнинг амалдаги чемпиони швейцариялик Рожер Федерердан устун келганди.