21 янв 10:48
Янгиликлар

Теннис

Australian Open. Дунёнинг 4-ракеткаси тўхтатилди

Мельбурн шаҳри кортларида теннис бўйича “Катта Дубулға” туркумига кирувчи Австралия Очиқ чемпионати давом этмоқда.

Бундан бир неча дақиқа аввал эркаклар ўртасидаги мусобақанинг яна бир чорак финал иштирокчиси аниқланди. Дунёнинг тўртинчи рақамли теннисчиси Александр Зверев кутилмаганда мағлубиятга учраб, Австралия Очиқ чемпионатидаги иштирокини якунлади.

Германиялик теннисчи 2 соату 2 дақиқа давом этган 1/8 финал баҳсида рейтингнинг 17-поғонасидан жой олган канадалик Милош Раоничга 1:6, 1:6, 6:7(5) ҳисобида имкониятни бой бериб қўйди. Раоничнинг 1/4 финалдаги рақиби хорватиялик Борна Чорич ҳамда франциялик Люка Пуиль учрашувидан сўнг аниқланади.