15 янв 10:49
Янгиликлар

Теннис

Australian Open. Карлос Алькараз рақибини деярли "сезмади"

Дунёнинг учинчи ракеткаси Карлос Алькараз теннис бўйича "Катта Дубулға" туркумига кирувчи Австралия Очиқ чемпионатининг учинчи даврасига йўл олди.

Испаниялик 21 ёшли теннисчи иккинчи давра учрашувида ATP рейтингида 65-поғонасида бораётган япониялик Йосихито Нисиокани ортиқча қийинчиликсиз мағлубиятга учратди - 6:0, 6:1, 6:4.

Саксон бир дақиқа давом этган баҳсда Алькараз 13 та эйс, 2 та қўшхато ва 6 та брейк-пойнтга эришди. Энди у учинчи босқичда дунёнинг 27-ракеткаси Жордан Томпсонга қарши кортга чиқади. Австралиялик теннисчи Australian Open иккинчи даврасида ATP рейтингида 33-ўринда бораётган португалиялик Нуну Боржешдан устун келган.