23 янв 13:02
Янгиликлар

Теннис

Australian Open. Пуиль Раонични мусобақадан чиқариб юборди

Хабар берганимиздек, шу кунларда Мельбурн шаҳри кортларида теннис бўйича “Катта Дубулға” туркумига кирувчи Австралия Очиқ чемпионати бўлиб ўтмоқда.

Бундан бир неча дақиқа аввал эркаклар ўртасидаги мусобақанинг яккалик баҳсларида чорак финалдан ўрин олган яна бир учрашув якунига етди. Унда кутилмаган натижа қайд этилди.

Дунё рейтингида 31-ўринни эгаллаб турган франциялик Лукас Пуиль шов-шувли юришини давом эттирди ва бу сафар канадалик Милош Раонични тўрт сет натижасига кўра мағлуб этди. Рейтингнинг 17-поғонасидан жой олган Раонич 3 соату 6 дақиқа давом этган баҳсда 6:7(4), 3:6, 7:6(2), 4:6 ҳисобида имкониятни бой берди.