16 янв 12:35
Янгиликлар

Теннис

Australian Open. Қозоғистонлик теннис маликаси учинчи босқичга чиқди

Дунёнинг еттинчи ракеткаси Елена Рибакина теннис бўйича "Катта Дубулға" туркумига кирувчи Австралия Очиқ чемпионатининг учинчи давра иштирокчисига айланди.

Қозоғистонлик теннис маликаси иккинчи даврада WTA рейтингида 191-поғонада бораётган америкалик Ива Йовични ортиқча қийинчиликсиз мағлубиятга учратди - 6/0, 6/3. Бу теннисчиларнинг ўзаро ўтказган илк учрашуви бўлди.

Саксон бир дақиқа давом этган баҳсда Рибакина 4 та эйс, 5 та брейкни амалга ошириб, 5 та қўшхатога йўл қўйди. Елена иккинчи сетда 1/3 ҳисобида ютқазаётганди. Энди у Australian Open турнири 1/16 финалида украиналик Даяна Ястремскага қарши кортга чиқади.