23 янв 09:31
Янгиликлар

Теннис

Australian Open. Серена Уильямс мусобақани тарк этди

Мельбурн шаҳри кортларида теннис бўйича “Катта Дубулға” туркумига кирувчи Австралия Очиқ чемпионати давом этмоқда.

Ҳозиргина хотин-қиз теннисчилар ўртасидаги мусобақанинг яна бир чорак финал учрашуви якунига етди. Унда америкалик Серена Уильямс чехиялик Каролина Плишковага қарши кортга чиқди.

Икки соату 12 дақиқа давом этган баҳсда дунёнинг 8-ракеткаси бўлиб турган Плишкова рейтингнинг 16-поғонасидан жой олган Серенани 6:4, 4:6, 7:5 ҳисобида мағлуб этиб, ярим финалга йўл олди.

Эътиборлиси, Серена Уильямс ҳал қилувчи учинчи сетда 5:1 ҳисобида олдинга чиқиб олганди. Лекин оёғидаги жароҳат панд берди. Каролина эса энди финал остонасида япониялик Наоми Осака билан ҳисоб-китоб қилади.