18 янв 13:06
Янгиликлар

Теннис

Australian Open. Шарапова амалдаги чемпионни мағлуб этди

Шу кунларда Мельбурн шаҳрида теннис бўйича “Катта Дубулға” туркумига кирувчи Австралия Очиқ чемпионати давом этмоқда.

Россиялик теннис маликаси Мария Шарапова мусобақанинг амалдаги ғолибаси даниялик Каролин Возняцкини тўхтатди. Икки соату 24 дақиқа давом этган баҳсда Шарапова кучли рақибасини 6:4, 4:6, 6:3 ҳисобида доғда қолдирди ва тўртинчи даврага йўл олди.

Дунёнинг 30-ракеткаси бўлиб турган 31 ёшли Мария 5та эйс зарбаси ва шунча брейкни амалга оширди. WTA рейтингининг 3-поғонасидан жой олган 28 ёшли Возняцки Австралия Очиқ чемпионатининг амалдаги ғолибаси эди. Энди Шарапова 1/8 финалда австралиялик Эшли Бартига қарши кортга чиқади.