18 янв 08:21
Янгиликлар

Теннис

Australian Open. Тўртинчи ракетка кейинги босқичда

Мельбурн шаҳрида ўтказилаётган теннис бўйича “Катта Дубулға” туркумига кирувчи Австралия Очиқ чемпионати секин-аста ўзининг қизғин палласига кириб боряпти.

Дунёнинг тўртинчи ракеткаси Александр Зверев учинчи босқич йўлланмасини қўлга киритди. Германиялик теннисчи Australian Open турнирининг иккинчи даврасида француз Жереми Шардидан устун келди.

Уч соату 46 дақиқа давом этган баҳсда Зверев рейтингнинг 36-поғонасидан жой олиб турган рақибини 7/6(5), 6/4, 5/7, 6/7(6), 6/1 ҳисобида мағлуб эта олди. Энди Александр Зверев учинчи даврада австралиялик Алекс Болтга қарши кортга чиқади.