30 янв 09:29
Янгиликлар

Теннис

Australian Open турнирида мухлислар ташрифи бўйича рекорд янгиланди

Теглар : Australian Open

Хабарингиз бор, 12-26 январь кунлари Мельбурн шаҳрида теннис бўйича "Катта Дубулға" туркумига кирувчи йилнинг дастлабки турнири бўлиб ўтди.

Эътиборлиси, бу йилги турнирда мухлислар ташрифи бўйича Австралия Очиқ чемпионати тарихидаги рекорд янгиланди. "Мельбурн-парк"да ўтган саралаш ва финал босқич учрашувларига жами 1 миллион 218 минг 831 нафар мухлис ташриф буюрган.

Бу билан ўтган йили ўрнатилган рекорд янгиланди. 2024 йилги Australian Open учрашувларига бу йилгисидан 108 минг камроқ мухлис келганди. Бу йилги асосий тўр баҳсларини 1 миллион 102 минг 303 мухлис бевосита аренада томоша қилган.

Эслатиб ўтамиз, эркаклар ўртасидаги мусобақада дунёнинг биринчи ракеткаси италиялик Янник Синнер қаторасига иккинчи йил ҳам бош совринни қўлга киритган бўлса, аёллар турнирида кутилмаганда америкалик Мэдисон Киз чемпионлик кубогига эга чиққанди. У финал баҳсида ўтган йилги чемпион Арина Соболенкодан устун келганди.