20 янв 12:04
Янгиликлар

Теннис

Australian Open. Халеп Винусни мағлуб этди, энди навбат Серенага!

Хабар берганимиздек, Мельбурн шаҳрида теннис бўйича “Катта Дубулға” туркумига кирувчи Австралия Очиқ чемпионати бўлиб ўтмоқда.

Дунёнинг биринчи ракеткаси, руминиялик Симона Халеп мусобақадаги ғолибона юришини давом эттиряпти. У учинчи даврада рейтингнинг 36-поғонасидан жой олган америкалик Винус Уильямсни мағлуб этди.

Бир соату 17 дақиқа давом этган учрашувда Халеп 6/2, 6/3 ҳисобидаги осон ғалабага эришди. Энди Симона Australian Open турнирининг тўртинчи босқичида америкалик Серена Уильямсга қарши кортга чиқади.