БАҲОДИИИИР! Бизда учинчи олтин! Жалолов кубалик рақибини муддатидан олдин мағлуб этиб, икки карра жаҳон чемпионига айланди!

Бугунги кун доирасидаги сўнгги, олтинчи финал жанги +92 кг вазн тоифасида бўлиб ўтди. Унда ўзбекистонлик боксчи Баҳодир Жалолов кубалик Фернандо Лопес Арзолага қарши рингга чиқди. Мазкур жанг 1 раунд давом этди ва унда рақиби жангни давом эттиришни истамагани сабаб "Big Uzbek", яъни Баҳодир Жалолов ғалаба қозонган ҳолда жаҳон чемпионатининг олтин медали ҳамда 200 минг доллар пул мукофотини қўлга киритди.

Бу Ўзбекистон терма жамоасининг Тошкентдаги жаҳон чемпионатида қўлга киритган учинчи олтин медали ҳисобланади. Шунингдек, бу Баҳодир Жалолов учун иккинчи чемпионлик ҳисобланади.