Баҳодир Жалолов: "Кўпчилик менга кучсиз рақиблар билан тушяпсан деб эътироз билдиради"

Оғир вазнли боксчимиз Баҳодир Жалолов "Олимпиададан сўнг танлаш имконияти бўлса, Фьюри билан жанг қиладими ёки Жошуа?" деган саволга жавоб берди.

"Мен рақиб танламайман, берилган рақиб билан жанг қиламан. Кўпчилик менга кучсиз боксчилар билан жанг қиласан деб эътироз билдиради. Менежер, промоутерларимиз кимни беришса, шу билан жанг қиламиз. Бир проф боксга, бир ҳаваскор боксга ўтяпман. Иккаласини ўртасида катта фарқ бор. Проф боксда кўпроқ раундга тайёргарлик қилиш керак, ҳаваскорда тезкорлик муҳим. Шунинг учун Олимпиада олдидан таваккал қилмоқчи эмасман.

Олимпиададан сўнг Фьюри ёки Жошуа билан жанг қилиш имкони берилса, Жошуага қарши рингга чиқардим", - деди Жалолов.

Эслатиб ўтамиз, "Big Uzbek" латвиялик Кристапс Зутис (11-1-2, 7 КО) га қарши рингга кўтарилади.

Сарвиноз Рахмонқулова суҳбатлашди