Баҳодир Жалолов: "Ўзбекистон ҳозирда ҳаваскор бокс ватани ҳисобланса, тез орада профессионал бокс ватанига айланишига ҳам ишонамиз"

Унда марказий жанг иштирокчиси, ўзбекистонлик боксчи Баҳодир Жалолов ҳам ўз фикрларини билдириб ўтди:

"Ўзбекистон ҳозирда ҳаваскор бокс ватани ҳисобланса, келажакда профессионал бокс ватанига айланишига ҳам ишонамиз. 17 ноябрь куни чиройли жанг кўрсатишга ҳаракат қиламиз".

Шунингдек, Баҳодир бир вақтнинг ўзида ҳам ҳаваскор, ҳам профессионал боксда фаолият олиб бораётганини қуйидагича изоҳлади:

"Биз ҳозир ҳаваскорда ҳам жанг қиляпмиз, профессионал бокс билан биргаликда. Мақсадимиз икки карра Олимпиада чемпиони бўлиш. Ҳамманинг ўзини мақсади бўлади. Олимпиададан кейин катта рақиблар билан жанг қиламиз. Биз шу кунгача рақиб танламаганмиз. Топ-10даги рақибларни берса ҳам жанг қилаверамиз. Ҳаммасининг ўз вақти бор", - деди Жалолов.

Эслатиб ўтамиз, 17 ноябрь кунги бокс оқшомида Баҳодир Жалоловга ЖАР вакили Крис Томпсон рақиблик қилади.