Барти март ойининг энг яхшиси бўлди

Халқаро хотин-қиз теннисчилар ассоциацияси расмий сайтида ўтказилган сўровда мухлислар март ойининг энг яхши теннисчисини аниқлаб беришди. 

 Унга кўра, энг кўп овоз австралиялик Эшли Бартига берилди. Кучли учликдан канадалик Бьянка Андрееску ва чехиялик Каролина Плишкова жой олишди. Германиялик Анжелик Кербер тўртинчи ўринни банд этди.

Маълумот учун, Эшли Барти Майами турнирида бош совринни қўлга киритган эди.