27 авг 19:02
Янгиликлар
Формула-1
Бельгия Гран-приси. Хэмилтон фаолиятидаги 200-пойгасида ғолиб!
“Мерседес” пилоти Льюис Хэмилтон ҳозиргина якунига етган “Формула-1” мусобақалари доирасидаги Бельгия Гран-присида ғалаба қозонди.
Спа автодромида ўтган мусобақа уч карра жаҳон чемпиони учун фаолиятидаги 200-старт бўлди. Якунда британиялик 32 ёшли Хэмилтон энг яхши натижа билан Бельгия Гран-приси чемпионига айланди.
Иккинчи ўринни “Феррари” жамоасининг германиялик пилоти Себастьян Феттель эгаллади. “Ред Булл”нинг австралиялик вакили Даниэль Риккьярдо кучли учликка якун ясади.
Шу кунгача 12та босқич якунларига кўра Хэмилтон пешқадам Феттель билан 14 очколик фарқни 7 очкога қисқартирди. Бугунгиси билан ҳисоблаганда Хэмилтон 3 карра Бельгия Гран-приси ғолиби бўлди. 1-3 сентябрь кунлари Монц шаҳрида Италия Гран-приси бўлиб ўтади.
Ҳавола :
Фикрлар