Bellator 255. Чемпион иштирокидаги марказий жанг муддатидан аввал якунланди

Bellator 255 турнирининг марказий жанги ярим енгил вазн тоифаси чемпиони Патрисиу Фрейре ҳамда унинг камарига расмий даъвогар Эммануэль Санчес ўртасида бўлиб ўтди. Беш раундга мўлжаланган жанг биринчи раунддаёқ тўхтатилди. Фрейре бўғиш усули билан Санчесни "ухлатиб" қўйди.

Маълумот учун, турнирнинг асосий кардида россиялик Усман Нурмагомедов промоушендаги деббт жангини ўтказди ва унда америкалик Майк Хэмелни очколар ҳисобига кўра мағлубиятга учратди. Яна бир россиялик спортчи Магомед Магомедов эса мезбонлар вакили Си-Жей Гамильтонни иккинчи раундда техник нокаут эвазига таслим этди. Халид Муртазалиев бразилиялик Фабио Агуайарадан устун келди.