Berlin Tennis Open. Арина Соболенко 4 та матчболдан чиқиб кетди

Мусобақанинг 1/4 финалида дунёнинг биринчи ракеткаси Арина Соболенко WTA рейтингида 11-ўринни эгаллаб турган қозоғистонлик Елена Рибакинани камбэк эвазига мағлубиятга учратди - 7/6(6), 3/6, 7/6(6).

Икки сет ғолиби тай-брекда аниқланганининг ўзи учрашувнинг қай даражада муросасиз кечганидан далолат бермоқда. Арина 4 талик матчболдан чиқиб кетиб якунда иродали ғалабага эришди. Теннисчиларнинг ўзаро учрашувларида Соболенко катта фарқ билан олдинда бормоқда - 7:4.  

Кечаги учрашувда Соболенко 6, Рибакина 14 та эйс зарбасини амалга оширган. Қўшхатолар 5 га 2 нисбатида Арина, брейклар эса 6 га 4 кўринишида Елена фойдасига ҳал бўлди. Энди беларуслик теннис маликаси финал чиптаси учун чехиялик Маркета Вондроушовага қарши кортга чиқади.