04 фев 07:38
Янгиликлар

Теннис

Бертенс - Ladies Trophy ғолибаси!

Россиянинг Санкт-Петербург шаҳрида хотин-қиз теннисчилар ўртасида ўтказилган нуфузли турнир якунланди.

Сайёрамизнинг етакчи теннис маликалари иштирок этган мусобақада голландиялик Кики Бертенс чемпионлик шохсупасига кўтарилди. Дунёнинг саккизинчи ракеткаси ҳал қилувчи финал учрашувида хорватиялик Донна Векичдан устун келди.

Кики 1 соату 43 дақиқа давом этган финалда WTA рейтингида роппа-роса 30-ўринни эгаллаб турган Векични 7/6(2), 6/4 ҳисобида мағлуб этди. Ушбу ғалаба 27 ёшли Бертенсга 470 рейтинг очкоси ҳамда 141 500 доллар мукофот пулини тақдим этди.