Билол Муҳаммад Махачев учун чемпионлик камаридан воз кечишга тайёр

У енгил вазн чемпиони Ислам Махачев билан жанг қилишни хоҳламайди.

"Мен учун пул ҳеч қачон энг муҳими бўлмаган. Шунинг учун Ислам билан жанг қилгим келмайди. Улар (Хабиб жамоаси) менга жуда катта ёрдам беришган. Шу боис, ўрта вазнга кўтарилганим маъқул, ярим ўрта вазн камарини эса Ислам олиб қўяверсин.

Мен Ислам билан ҳеч қачон жанг қилмайман, чунки бу оддий рақобат эмас. Биз бирга машғулот ўтказганмиз, бирга қон тўкканмиз, бирга меҳнат қилганмиз – бу тамоман бошқа муносабат.

Ярим ўрта вазн камари йўлида мен топ-10 даги беш нафар жангчини мағлуб этдим. Яна икки жанг ўтказсам, икки вазн тоифасида чемпион бўлишни хоҳлашимни айтиб, ўрта вазнга кўтариламан.

Мен ҳозир 86 кг атрофидаман, шунинг учун ўрта вазн мен учун муаммо эмас. Кўпинча ўзимдан йирикроқ йигитлар билан машқ қиламан ва уларнинг кучини ҳис қиламан. Чимаевни ҳисобга олмасак, ўрта вазн UFC’даги энг заиф дивизион бўлса керак. UFC 312’нинг асосий жангини кўринг, шунда менинг гапимга қўшиласиз", - деди Билол.