Биринчи ракеткамиз Хитой турниридаги юришини бошлади

Қувонарлиси, Ҳумоюн Султоновдан кейин Ўзбекистоннинг биринчи ракеткаси Сергей Фомин ҳам иштирокини ғалаба билан бошлади. Ҳамюртимиз 1/16 финалда ATP рейтингида 689-поғонада бораётган беларуслик Даниил Остапенковни 6/3, 6/4 ҳисобида мағлубиятга учратди. 

Таққослаш учун, Фомин дунёнинг 383-ракеткаси бўлиб турибди. Олтмиш саккиз дақиқа давом этган баҳсда Сергей 8, саралаш баҳслари орқали асосий тўрга етиб келган 22 ёшли Даниил 6 та эйс зарбасини амалга оширган. Қўшхатолар Остапенковда кўпроқ бўлди - 7 га 4. Бу теннисчиларнинг ўзаро ўтказган иккинчи учрашуви эди - 2:0. Тўрт йил аввал ўтказилган илк тўқнашувда ҳам Фомин зафар қучганди. 

Эртага Сергей Фомин 1/8 финалда австралиялик Моерани Бузигега қарши кортга чиқади. Бузиге кеча илк босқичда япониялик Масамичи Имамурани 6/7, 7/5 ҳисобида таслим этди. Бузиге ATP рейтингида 425-поғонадан жой олган. Фомин - Бузиге учрашуви бизнинг вақт билан эртага тонгги соат 08:00да бошланади.