31 дек 09:34
Янгиликлар
Бивол Артур Бетербиевга қарши жанг шартномасини имзолади
Россиялик чемпионлар Дмитрий Бивол ва Артур Бетербиев ўзаро жангда ушбу вазннинг энг кучли боксчиси ким деган саволга жавоб бериш учун рингга кўтариладилар. WBA ва IBO йўналишлари чемпиони Дмитрий Бивол WBC, IBF ҳамда WBO камарлари соҳиби Артур Бетербиевга қарши жанг шартномасига имзо чеккан.
Ушбу бирлаштирувчи чемпионлик жанги Артур Бетербиев 13 январь куни британиялик Каллум Смитни мағлуб этсагина эълон қилинади. Кейин Қирол Артурнинг ўзи ҳам мутлақ жаҳон чемпионлиги жанги шартномасига ўз имзосини қўйиши керак.
Маълумот учун, бир ҳафта аввал Дмитрий Бивол Саудия Арабистонининг Ар-Риёд шаҳрида британиялик Линдон Артурни ҳакамларнинг якдил қарори билан мағлубиятга учратганди. Бивол WBA камарини ҳимоя қилиш баробарида рақибининг IBO камарини ҳам тортиб олган эди.
Фикрлар