Бизда иккинчи олтин! Ҳасанбой Дўсматов франциялик рақибини муддатидан олдин енгиб, жаҳон чемпионига айланди!

Бугунги кун доирасидаги бешинчи финал жанги -51 кг вазн тоифасида бўлиб ўтди. Унда ўзбекистонлик боксчи Ҳасанбой Дўсматов Франция вакили Биллал Беннамага қарши рингга чиқди. Мазкур жанг 1 раунд давом этди ва унда рақибини нокаутга учратиб, Ҳасанбой Дўсматов ғалаба қозонган ҳолда жаҳон чемпионатининг олтин медали ҳамда 200 минг доллар пул мукофотини қўлга киритди.

Бу Ўзбекистон терма жамоасининг Тошкентдаги жаҳон чемпионатида қўлга киритган иккинчи олтин медали ҳисобланади. Кун давомида шунингдек, Баҳодир Жалолов ҳам рингга чиқади.