14 апр 12:21
Янгиликлар

Теннис

Богота. Аманда Анисимова финалга чиқди

Сайёрамизнинг 76-ракеткаси Аманда Анисимова Колумбия пойтахти Богота шаҳрида якунига етиб бораётган турнирнинг финал иштирокчисига айланди.

Америкалик теннисчи Claro Open Colsanitas турнирининг ярим финалида рейтингнинг 165-поғонасидан жой олиб турган бразилиялик Беатрис Хаддад Майяга қарши кортга чиқди.

Икки соату 40 дақиқа давом этган учрашувда Аманда рақибасини 4/6, 7/6(2), 6/2 ҳисобида мағлубиятга учратди. Бугун Анисимова бош соврин учун кечадиган учрашувда австралиялик Астра Шармага қарши баҳс олиб боради.