Бокс. Ўзбекистон медаллар сони бўйича рекордни янгилади. Аввалги ЖЧларда натижаларимиз қандай бўлган?

Ярим финалга қадар етиб келган боксчилар ЖЧ медалига эга чиқишади. Ушбу босқичда ғалаба қозонган чарм қўлқоп усталари финалга йўл олишса, мағлуб боксчилар бронза медалига эга бўлишади. 

Аввал хабар бериб ўтганимиздек, Ўзбекистон терма жамоасининг 9 нафар вакили ЖЧ ярим финалигача етиб келди. Бу дегани - терма жамоамиз мазкур ЖЧда 9 та медалга сазовор бўлади. Бошқа хеч қайси терма жамоа ярим финалда бунчалик кўп иштирокчига эга эмас. Шу тариқа, боксчиларимиз мазкур ЖЧни медаллар сони бўйича етакчи сифатида якунлашлари аниқ бўлди. Энди навбат медаллар сифати бўйича етакчи бўлишга. 

Бунгача медаллар сони бўйича энг яхши натижамиз 2015 ва 2017 йилги жаҳон чемпионатларида қайд этилган. Ушбу йилларда Ўзбекистон боксчилари 6 та медаль билан ЖЧни якунлашган.

Медаллар сифати бўйича энг яхши натижамиз 2019 йилги ЖЧда кўрсатилган. Ўшанда вакилларимиз 3 та олтин, 1 та кумуш ва 1 та бронза медалига эга чиқишган.

Бунгача ўтказилган жаҳон чемпионатларида Ўзбекистон терма жамоаси қайд этган натижалар: 

Тампере-1993 - 1 та бронза

Берлин-1995 - 1 та бронза

Будапешт-1997 - 1 та олтин

Хьюстон-1999 - 2 та олтин, 1 та кумуш

Белфаст-2001 - 1 та олтин, 1 та кумуш, 1 та бронза

Бангкок-2003 - 1 та кумуш, 2 та бронза

Мианянг-2005 - 1 та кумуш, 2 та бронза

Чикаго-2007 - 1 та олтин

Милан-2009 - 1 та олтин, 1 та кумуш, 2 та бронза

Баку-2011 - 2 та бронза

Алмати-2013 - 1 та кумуш, 1 та бронза

Доҳа-2015 - 3 та кумуш, 3 та бронза

Гамбург-2017 - 1 та олтин, 3 та кумуш, 2 та бронза

Екатеринбург-2019 - 3 та олтин, 1 та кумуш, 1 та бронза

Белград-2021 - 1 та кумуш, 1 та бронза.