Boom. Нурсултон Рўзибоевнинг UFC'даги навбатдаги жанги қачон ва кимга қарши ўтиши маълум бўлди

4 ноябрь куни Бразилиянинг Сан-Пауло шаҳрида жойлашган Ibirapuera Gymnasium мажмуасида навбатдаги UFC Fight Night мусобақаси бўлиб ўтади.

Биз учун аҳамиятлиси, мазкур оқшомда ўзбекистонлик Нурсултон Рўзибоев (35-8-2) октагонга чиқиши режалаштирилмоқда. У мезбон юрт вакили Кайо Борральо билан тўқнаш келади. Бу ҳақда таниқли ММА инсайдери Марсель Дорф хабар бермоқда.

Қизиғи, Кайо ўтган йили ҳамюртимиз Маҳмуд Мурадовни мағлуб этган эди. Нурсултон UFC'даги иккинчи жанги орқали Маҳмуд учун "ўч олиш" имконига ҳам эга бўлмоқда.

Маълумот учун, Нурсултон Рўзибоев UFC'даги илк жангини ҳам бразилиялик рақибга қарши ўтказди. Бруно Феррейрага (10-1) қарши кечган баҳсда ҳамюртимиз илк раунддаёқ нокаут билан ғалаба қозонган эди.

Кайо Борральо (14-1) эса UFC'да ҳозирча тўртта жанг ўтказиб, уларнинг барчасида рақибларидан устун келган.