18 мар 05:09
Янгиликлар
Теннис
Бош соврин кутилмаганда Германияга эмас, Канадага кетди
АҚШнинг Индиан-Уэллс шаҳрида аёл теннисчилар ўртасидаги нуфузли турнир якунланди.
Ҳал қилувчи финал учрашуви кутилмаган натижа билан якунланди. Дунёнинг 60-ракеткаси бўлиб турган Бьянка Андрееску шов-шувли тарзда рейтингнинг саккизинчи поғонасидан жой олиб турган германиялик Анжелик Керберни мағлуб эта олди.
BNP Paribas Open турнирининг финал учрашуви 2 соату 18 дақиқа давом этди ва якунда канадалик теннисчи номдор рақибасидан 6/4, 3/6, 6/4 ҳисобида устун келди.
Эътиборлиси, Бьянка нафақат мавсумдаги, балки фаолиятидаги илк совринни айнан шу турнирда қўлга киритди. Индиан-Уэллсдаги муваффақиятли иштирок Андреескуга 1 миллион 354 010 АҚШ доллари миқдоридаги мукофот пули ҳамда 1000 рейтинг очкосини тақдим этди.
Ҳавола :
Фикрлар