12 янв 14:51
Янгиликлар

Теннис

Brisbane International. Плишкова мавсумдаги илк совринига эга бўлди

Бир ҳафта давом этган Brisbane International мусобақаси ўз якунига етди.

Ҳал қилувчи баҳсда чехиялик Каролина Плишкова америкалик Медисон Кизга қарши кортга чиқди. 2 соат 7 дақиқа давом этган баҳсда Каролина рақибасини 6:4, 4:6, 7:5 ҳисобларида таслим этишни уддалади.

Шу тариқа, Плишкова мавсумдаги биринчи, фаолиятидаги ўн олтинчи совринга эга бўлди.

Шунингдек Brisbane International турнирдаги муваффақият унга 260 минг доллар ва 470 рейтинг очкосини тақдим этди.