05 янв 11:41
Янгиликлар

Теннис

Брисбен. Медведев Раонични мағлуб эта олди

Россиялик теннисчи Даниил Медведев Австралиянинг Брисбен шаҳрида ўтказилаётган турнирнинг 1/4 финалида кортга чиқди.

Дунё рейтингида 16-ўринни эгаллаб турган 22 ёшли Даниил канадалик Милош Раонични мағлуб этишнинг уддасидан чиқди. 28 ёшли Раонич рейтингнинг 18-поғонасидан жой олган.

Икки соату 9 дақиқа давом этган баҳс якунида Медведев кучли рақибидан 6/7(2), 6/3, 6/4 ҳисобида устун келди. Қизиғи, Даниил учрашув мобайнида 12та, Раонич эса 29та эйс зарбани амалга оширди.