Брисбендаги мавсумнинг илк турнирига қуръа ташланди

Австралиянинг Брисбен шаҳрида старт олиш арафасида турган ушбу мусобақанинг асосий тўр баҳслари 31 декабрь куни старт олади ва 6 январда ғолиб номи аниқланади. 

Испаниялик Рафаэль Надаль турнирнинг биринчи ракеткаси сифатида сараланди. Дунёнинг иккинчи рақамли теннисчиси бўлиб турган Надаль илк учрашувида франциялик Жо-Вилфрид Цонга ҳамда саралаш турнири ғолибларидан бирининг учрашувида ютган теннисчи билан тўқнаш келади. 

Япониялик Кеи Нишикори турнирда иккинчи рақам остида сараланди ва америкаликлар - Денис Кудла ва Тэйлор Фритц баҳси ғолиби билан биринчи учаршувини ўтказади.