"Бу энг яхши чиқишим бўлмади" — Энтони Жошуа Жейк Пол билан жанг ҳақида

"Бу энг яхши чиқишим эмасди. Ҳа, яхши эмас. Мақсадим Жейк Полга яқинлашиб, уни ринг бурчагига қамаб, оғриқли зарбалар йўллаш эди. Бу кутилганидан бироз кўпроқ вақт олди, аммо ўнг қўл ниҳоят мўлжалга етди. Жейк Пол бугун ўзини жуда яхши кўрсатди ва мен унга юқори баҳо бермоқчиман. У ўтказиб юборилган зарбалардан кейин ўрнидан турди. Бунинг учун ҳақиқий эркак бўлиш керак", - деди Жошуа жангдан сўнг.

Энтони Жошуа жангнинг боришини ишонч билан назорат қилди ва бир нечта нокдаунлардан сўнг Жейк Полни олтинчи раундда нокаутга учратди. Британиялик 36 ёшли боксчининг профессионал рекорди 29 ғалаба ва 4 мағлубиятни ташкил қилмоқда. Америкалик 28 ёшли Жейк эса бугун проф рингдаги иккинчи мағлубиятини қабул қилиб олди. Ҳисобидаги ғалабалари 12 талигича қолди.