27 фев 14:43
Янгиликлар

Теннис

Бугун Абдураимова Москва турнири асосий даврасида кортга чиқади

Россия пойтахти Москва шаҳрида теннис бўйича “Фьючерс” туркумига кирувчи турнирнинг асосий тўр баҳслари бошланди.

Соврин жамғармаси 25 000 АҚШ долларини ташкил қилувчи ушбу мусобақада ҳамюртларимиздан Нигина Абдураимова ва Оқгул Омонмуродова ҳам ўз имкониятини синовдан ўтказяпти.

Ҳар икки теннисчимиз ўз иштирокларини саралаш босқичидан бошлашди. Омонмуродова мағлубият аламини тотиб кўрган бўлса, Абдураимова икки ғалаба эвазига асосий тўрга йўл олди.

Бугун Нигина асосий тўрнинг илк даврасида руминиялик Андреа Амалия Роскага қарши кортга чиқади. Агар Абдураимова учрашувда зафар қуча олса, иккинчи даврада россияликлар - Ольга Дорошина ва София Лансере баҳси ғолибаси билан тўқнаш келади.