22 июн 10:31
Янгиликлар

Бугун Дубайда Нодирбек Абдусатторов ва Жавоҳир Синдаров иштирокидаги турнир бошланади
Мусобақада жаҳоннинг етакчи шахматчилари турли жамоалар таркибида ўйинлар ўтказишади.
Аввал хабар берганимиздек, ушбу нуфузли мусобақада ҳамюртларимиз Нодирбек Абдусатторов в Жавоҳир Синдаров ҳам иштирок этади. Баҳслар рапид йўналишида жамоавий тарзда ташкил этилади. Global Chess League икки даврали турнир бўлиб, унда 6 та жамоа бош соврин учун кураш олиб боради.
Нодирбек Абдусатторов "Balan Alaskan Knights", Жавоҳир Синдаров эса "UpGrad Mumba Masters" жамоаси таркибида ўйинлар ўтказишади.
Бугун 1-тур доирасида Жавоҳир Синдаров "UpGrad Mumba Masters" таркибида "Triveni Continental Kings" билан беллашади. Жавоҳир ўз ўйинини даниялик Йонас Бал Бьеррега қарши ўтказади.
Нодирбек Абдусатторов ўйнаётган "Balan Alaskan Knights" эса мусобақани эртага, 23 июнь куни "SG Alpine Warriors"га қарши бошлайди. Нодирбек мазкур қарама-қаршиликда 2-столда ҳиндистонлик Гукешга қарши ўйнайди.
Эртага шунингдек 2-турда ҳар икки ҳамюртимизнинг жамоалари ўзаро тўқнаш келади. Унда Абдусатторовга россиялик Александр Гришук рақиб бўлади. Синдаров эса ҳиндистонлик Раунак Садвани билан ўзаро ҳисоб-китоб қилади.
Фикрлар