09 апр 07:56
Янгиликлар

Теннис

Бугун Истомин дунёнинг учинчи ракеткасига қарши кортга чиқади

Марокашнинг Марракеш шаҳрида теннис бўйича АTP 250 турнирининг асосий тўр баҳслари давом этмоқда.

Соврин жамғармаси 524 340 еврони ташкил қилувчи Grand Prix Hassan II турнирида ҳамюртимиз Денис Истомин ҳам иштирок этади. Бугун мамлакатимизнинг биринчи ракеткаси турнирнинг биринчи, дунёнинг эса учинчи рақамли теннисчиси германиялик Александр Зверевга қарши кортга чиқади.

Таққослаш учун, Истомин айни пайтда ATP рейтингида 104-ўринни эгаллаб турибди. Теннисчилар шу кунгача ўзаро бир маротаба тўқнаш келишган. 2015 йилнинг августида Цинцинатти турнирида Зверев уч сет натижасига кўра ғалаба қозонган эди. Истомин - Зверев баҳси бугун Тошкент вақти билан соат 19:30да бошланади.