05 фев 07:27
Янгиликлар

Теннис

Бугун Истомин Софиядаги иштирокини бошлайди

Болгария пойтахти София шаҳрида теннис бўйича нуфузли ATP турнирининг асосий тўр баҳслари старт олди.

Ушбу мусобақада мамлакатимизнинг биринчи ракеткаси Денис Истомин ҳам иштирок этади. Sofia Open турнирининг мукофот жамғармаси 586 140 еврони ташкил қилади. Чемпион теннисчи 90 390 евро мукофот пули ҳамда 250 рейтинг очкосини қўлга киритади.

Бугун Истомин илк даврада италиялик Маттео Берреттинига қарши кортга чиқади. Учрашувнинг Тошкент вақти билан соат 15:00да бошланиши белгилаб қўйилган. Маттео ATP рейтингида 53, Денис эса 106-ўринни эгаллаб турибди.

Теннисчилар шу кунгача ўзаро учрашмаган. Бу икки теннисчи ўртасидаги баҳс ғолибини иккинчи даврада турнирнинг биринчи ракеткаси Карен Хачанов кутиб турибди. Россиялик теннисчи тўғридан-тўғри иккинчи даврадан баҳсларга қўшилади.