Бугун Жаҳон чемпионатининг биринчи куни 3 нафар дзюдочимизга мухлислик қиламиз

Будапешт шаҳри мезбонлик қиладиган йилнинг энг нуфузли мусобақасининг биринчи куни аёллар -48, эркаклар эса -60 кг вазн тоифасида медаллар ҳамда муҳим рейтинг очколари учун баҳсларга киришади. 

Регламентга кўра, ҳар куни аёллар ҳамда эркаклар ўртасида биттадан вазн тоифасида ғолиб ва совриндорлар аниқланади. Бугунги илк кунги беллашувларда Баҳром Ботуров, Ҳалимажон Қурбонова ва Лазиза Ҳайдаровага мухлислик қиламиз. 

Дзюдочиларимизнинг илк даврадаги рақиблари:

-48 кг: Ҳалимажон Қурбонова – Вонг Ка Ли (Гонконг) / Лоис Петит (Бельгия)

-48 кг: Лазиза Ҳайдарова – Ширин Букли (Франция)

-60 кг: Баҳром Ботуров – Ариунболд Энҳтайван (Мўғулистон) / Максимилян Ҳейдер (Германия) 

Саралаш дастури бизнинг вақт билан соат 14:30да бошланади. Медаллар учун кечадиган финал блоки эса соат 21:00га белгиланган. Дзюдочиларимизга ғалаба ва омад ёр бўлсин.