30 дек 11:20
Янгиликлар

Тадбирлар

Бугун «Миллий» стадионида Grand Final ғолиблари ҳамда 2020 йилнинг «Энг яхши спортчиси» тақдирланади

Жисмоний тарбия ва спорт вазирлиги томонидан Ўзбекистон Миллий олимпия қўмитаси, Esports Uzbekistan, Full Level Esports ҳамкорлигида ташкил этилган «Янги йилга спорт билан!” шиори остидаги оммавий спорт фестивалининг сўнгги кунги мусобақалари бироздан сўнг бошланади.

Бугун юртдошларимиз йилнинг энг йирик лойиҳалари – шахмат бўйича онлайн Ўзбекистон чемпионати ҳамда киберспорт бўйича “Uzbekistan Online Cup” мусобақаларининг Grand Final ғолибларини билиб олишади.

Хўш, Spark автомобили ҳамда умумий жамғармаси 100 миллион сўмдан зиёд бўлган киберспорт мусобақаларининг бош соврини кимга насиб этади? Бу саволларга жавоб топишни истасангиз, ҳозироқ «Миллий» стадионга шошилинг!

Куннинг энг кульминацион воқеаси – мураккаб шароитда кечган 2020 йилнинг «Энг яхши спортчиси» номинациясида омад қайси спортчимизга кулиб боқади? Бу саволга ҳам айнан бугун, «Миллий» стадионида жавоб оласиз.

Шундай экан, Тошкент шаҳри аҳолиси ва пойтахтимиз меҳмонлари, қолаверса оммавий ахборот воситалари ходимлари ҳамда блогерларни «Миллий» стадионига чорлаймиз!