Бугун Осиё чемпионатида 5 нафар юнон-рум курашчимизга мухлислик қиламиз

Регламентга кўра, қитъа чемпионатини юнон-рум кураши мусобақаси бошлаб беради. Бугун биринчи кун дастурида -55, -63, -77, -87 ва -130 кг вазн тоифаларида саралаш баҳслари ўтказилади. Унда 5 нафар "классигимиз"га мухлислик қиламиз.   

Хусусан, жаҳон чемпионатининг кумуш медали совриндори Арам Варданян (-77 кг) илк даврада Лондон-2012 Олимпиадаси чемпиони, Рио-2016 кумуш медали соҳиби Хёвнгву Кимга қарши гиламга чиқади. Энг тажрибали курашчимиз Мўминжон Абдуллаев баҳсларга иккинчи даврадан қўшилади. 

Бугун гиламга чиқадиган юнон-рум курашчиларимиз:

-55 кг: Жасурбек Ортиқбоев – Балбаи Дордоков (Қирғизистон)

-63 кг: Исломжон Баҳромов – Жинсеуб Сонг (Жанубий Корея)

-77 кг: Арам Варданян – Хёнгву Ким (Жанубий Корея)

-87 кг: Жалгасбай Бердимуратов – Батбаяр Лутбаяр (Мўғулистон)

-130 кг: Мўминжон Абдуллаев – Прем Прем (Ҳиндистон) / Амир Ғосимимон (Эрон)