27 янв 11:18
Янгиликлар

Теннис

Бугун Санжар Қозон турнири чемпионлиги учун кортга чиқади

Бугун Россиянинг Қозон шаҳрида теннис бўйича “Фьючерс” туркумига кирувчи турнир якунланади.

Мукофот жамғармаси 25 000 АҚШ долларини ташкил қилувчи мусобақанинг асосий тўр баҳсларида уч нафар теннисчимиз - Санжар Файзиев, Ҳумоюн Султонов ҳамда Сергей Фомин ўз иштирокини бошлаган бўлса, улардан биргина Санжар финалга қадар етиб келди.

Бугун Файзиев ҳал қилувчи финал учрашувида турнирнинг иккинчи ракеткаси, россиялик Таймураз Габашвилига қарши кортга чиқади. Теннисчимиз драматик кечган ярим финалда еттинчи рақам остида таснифланган россиялик Евгений Тюрневни 6:3, 6:7(4), 7:6(5) ҳисобида таслим этган эди.

Тажрибали Габашвили эса турнирнинг бешинчи ракеткаси, яна бир россиялик теннисчи Константин Кравчукдан 7:5, 4:6, 6:1 ҳисобида устун келганди. 24 ёшли Файзиев ATP рейтингида 587, 33 ёшли Габашвили эса 382-ўринни эгаллаб турибди.