Candidates Tournament 2024. 3-турда биргина Рамешбабу зафар қучди

Эркаклар ва аёллар ўртасидаги ушбу мусобақада 8 нафардан шахмат юлдузлари жаҳон тожи учун даъвогар номини аниқлаб бериш учун ўзаро дона суришяпти.

Эркаклар ўртасидаги турнирда америкаликлар Ҳикару Накамура, Фабиано Каруана, ҳинд гроссмейстерлари Сантош Гужрати, Гукеш Доммараджу, Рамешбабу Праггнанадҳа, озарбайжонлик Нижат Абасов, франциялик Алиреза Фирузжа ҳамда FIDE байроғи остида қатнашаётган Ян Непомняший ўз маҳоратини намойиш этмоқда.

Учинчи турнинг учта партиясида томонлар муросага келишди. Биргина Рамешбабу Прагнанандҳа бу турда бир очколик бўлди. Ҳиндистонлик гроссмейстер қора доналарда ўйнашига қарамай, ватандоши Видит Гужратидан устун келди. 22 апрелга қадар давом этадиган ушбу турнир ғолиби амалдаги жаҳон чемпиони, хитойлик гроссмейстер Дин Лижэнга қарши жаҳон тожи учун дона суриш ҳуқуқини қўлга киритади. 

Candidates Tournament 2024. 3-тур натижалари (Эркаклар)

Нижат Абасов (Озарбайжон, 2632) — Ҳикару Накамура (АҚШ, 2789) — 1/2:1/2 

Алиреза Фирузжа (Франция, 2760) — Фабиано Каруана (АҚШ, 2803) — 1/2:1/2

Гукеш Доммараджу (Ҳиндистон, 2743) — Ян Непомняший (FIDE, 2758) — 1/2:1/2 

Видит Гужрати (Ҳиндистон, 2727) — Рамешбабу Прагнанандҳа (Ҳиндистон, 2747) — 0:1

Candidates Tournament 2024. 4-тур жуфтликлари (7 апрель):

Ҳикару Накамура (АҚШ, 2789) — Рамешбабу Прагнанандҳа (Ҳиндистон, 2747) 

Ян Непомняший (FIDE, 2758) — Видит Гужрати (Ҳиндистон, 2727)

Фабиано Каруана (АҚШ, 2803) — Гукеш Доммараджу (Ҳиндистон, 2743)

Нижат Абасов (Озарбайжон, 2632) — Алиреза Фирузжа (Франция, 2760) 

Маълумот учун, ушбу даъвогарлар турнирида ҳамюртимиз Нодирбек Абдусатторов иштирок этмаяпти. Боиси, мусобақанинг барча саккиз иштирокчиси турли саралаш турнирлари орқали йўлланмани қўлга киритган.