Candidates Tournament 2024. 5-турдан кейин қўшҳокимлик + ЖАДВАЛ

Эркаклар ва аёллар ўртасидаги ушбу мусобақада 8 нафардан шахмат юлдузлари жаҳон тожи учун даъвогар номини аниқлаб бериш учун ўзаро дона суришяпти. Эркаклар ўртасидаги турнирда америкаликлар Ҳикару Накамура, Фабиано Каруана, ҳинд гроссмейстерлари Сантош Гужрати, Гукеш Доммараджу, Рамешбабу Праггнанадҳа, озарбайжонлик Нижат Абасов, франциялик Алиреза Фирузжа ҳамда FIDE байроғи остида қатнашаётган Ян Непомняший ўз маҳоратини намойиш этмоқда.

Бешинчи турнинг икки партиясида томонлар муросага келишди. Қолган икки партияда шахматчиларнинг бири ғалабага эришди. Пешқадам Ян Непомняший қора доналарда ҳиндистонлик Рамешбабу Прагнанандҳа билан дуранг ўйнади. Бундан фойдаланган ҳиндистонлик Гукеш Доммараджу озарбайжонлик Нижат Абасовни енгиб, очколарини Янга тенглаштириб олди. Бугун ўтказиладиган 6-тур олдидан Гукеш ва Непомняший 3,5 тадан очко жамғариб, турнир жадвалида қўшҳокимлик қилишяпти. 

Эслатиб ўтамиз, 22 апрелга қадар давом этадиган ушбу турнир ғолиби амалдаги жаҳон чемпиони, хитойлик гроссмейстер Дин Лижэнга қарши жаҳон тожи учун дона суриш ҳуқуқини қўлга киритади. 

Candidates Tournament 2024. 5-тур натижалари (Эркаклар)

Алиреза Фируджа (Франция, 2760) — Хикару Накамура (АҚШ, 2789) — 0:1.

Гукеш Доммараджу (Ҳиндистон, 2743) — Ниджат Абасов (Озарбайжон, 2632) — 1:0.

Видит Гуджрати (Ҳиндистон, 2727) — Фабиано Каруана (АҚШ, 2803) — 1/2:1/2.

Рамешбабу Прагнанандха (Ҳиндистон, 2747) — Ян Непомнящий (FIDE, 2758) — 1/2:1/2.

Маълумот учун, ушбу даъвогарлар турнирида ҳамюртимиз Нодирбек Абдусатторов иштирок этмаяпти. Боиси, мусобақанинг барча саккиз иштирокчиси турли саралаш турнирлари орқали йўлланмани қўлга киритган.