Candidates Women Tournament 2024. Пешқадам илк бор очко йўқотди

Аёл шахматчилар мусобақасида хитойликлар Лэй Тинцзе, Тань Чжунъи, ҳиндистонликлар Хампи Конеру, Рамешбабу Вайшали, украиналик Анна Музичук, болгариялик Нургюл Салимова, FIDE байроғи остида иштирок этаётган Александра Горячкина ва Катерина Лагно тож даъвогарини аниқлаб бериш учун баҳс олиб боряпти.

Дастлабки икки турда зафар қучган хитойлик Тан Чжунъи учинчи турга келиб очко йўқотди. Чин юрти вакиласи қора доналарда ҳиндистонлик жаҳон чемпиони Хампи Конеруга қарши дона суриб, дурангга рози бўлди. Шунга қарамай, у ҳамон 2,5 очко билан карвонбошиликни давом эттирмоқда. Учинчи турда биргина Рамешбабу Вайшали ғалабага эришди. Ҳиндистонлик шахматчи оқ доналарда болгариялик Нургюл Салимовадан устун келди. 

Candidates Women Tournament 2024. 3-тур натижалари

Анна Музичук (Украина) — Екатерина Лагно (Россия) — 1/2:1/2

Лэй Тинцзе (Хитой) — Александра Горячкина (Россия) — 1/2:1/2 

Рамешбабу Вайшали (Ҳиндистон) — Нургюл Салимова (Болгария) — 1:0

Хампи Конеру (Ҳиндистон) — Тань Чжунъи (Хитой) — 1/2:1/2

Candidates Women Tournament 2024. 4-тур жуфтликлари (7 апрель): 

Екатерина Лагно (Россия) — Тань Чжунъи (Хитой) 

Нургюл Салимова (Болгария) — Хампи Конеру (Ҳиндистон)

Александра Горячкина (Россия) — Рамешбабу Вайшали (Ҳиндистон) 

Анна Музичук (Украина) — Лэй Тинцзе (Хитой)

Маълумот учун, Candidates Tournament 2024 турнирнинг умумий мукофот жамғармаси 750 000 еврони ташкил этади. Умумий суммадан 500 минг доллари эркаклар, 250 минги аёллар ўртасидаги турнирга тегишли. Яъни, эркак шахматчилар мукофот пулини аёлларга қараганда икки барабар кўпроқ олишади. Эркакларда ғолиб 48 000, аёллар эса 24 000 еврони қўлга киритади.